बजारमा नीतिगत सहजता आएसँगै बजारमा उत्साह आएको हो । गतवर्षको यसै अवधिमा पनि बजार यस्तै विन्दुमा रहेको थियो । तर उक्त विन्दुमा टिक्न सकेन र झण्डै एक वर्षको साईडवयज रहेर बजार पुनः बढ्नको लागि सुरु गरेको छ । यो विन्दुमा बजार केही समय स्थिर रहन सक्याे भने बलियो र दीगो बुल हुने जानकारहरुको बुझाई छ ।
बजारमा घट्नु बढ्नु सामान्य हो । बजार निरन्तर बढ्नु भन्दा केही समय स्थिर भएर शक्ति बनाएर बढे राम्राे मानिन्छ। तर शेयर बजारमा अनुशासन कायम गरियो भने बजारले जुनसुकै समयमा लाभ लिन सकिने प्रविधिक विश्लेषक बिनोद महर्जनले बताए । बजारमा जिस्कने ठाँउ होईन । बजारमा लगानी गरिएको छ भने प्रविधिक नियमहरू अपनाउनु पर्नेमा महर्जनकाे जोड छ । बजारमा लगानी गर्दा कमाउने मात्रै होईन गुमाउन पनि तयार हुनु पर्छ । तर आम्दानीको लागि चार गुणा बढी कमाउने टार्गेट राख्नु पर्ने उनको भनाइ छ ।
