बिहीबारको बजार ३.७६ अंकले बढेर २९८२.६४ विन्दुमा पुगेको छ । यसदिन १८ अर्ब ४९ करोड ४ लाख रुपैयाँको शेयर खरिदबिक्री भएको छ । यो बढाईले लगानीकर्ताहरुलाई उत्साहित बनाएको छ ।
निरन्तर दोहोरो अंकले बढेको बजारमा पछिल्ला केही कारोबार दिनदेखि इन्ट्रा डे करेक्सन हुदै सामान्य अंकको बढोत्तरी भएको छ । गतवर्षको यसै अवधिमा पनि बजार सोही विन्दु वरपर रहेको थियो । यो विन्दु बजारले परिक्षण गर्नका लागि पनि सुचकमा ठूलो अंकको वृद्धि नभएको लगानीकर्ताहरुको बुझाई छ ।
यो विन्दुमा सन्तुलन कायम गराउन सके बजारमा दीगो बुल सुरु हुने नेपाल इन्भेष्टर फोरमका अध्यक्ष तुलसीराम ढकालले बताए ।अब केहि दिन ३ हजार वरपरको विन्दुलाई परिक्षण गरेर साउन महिनामा नै ३२ सयको उचाई पार गर्ने ढकालको ठम्याइ छ ।
