सञ्जीवनी लघुवित्त ‘समस्याग्रस्त’ सूचीबाट फुकुवा, नियमित कारोबार गर्न राष्ट्र बैंकको अनुमति

Apr 02, 2026 11:33 AM Merolagani

नेपाल राष्ट्र बैंकले सञ्जीवनी लघुवित्त वित्तीय संस्था लिमिटेड (साविकको सुपर लघुवित्त वित्तीय संस्था लि.) लाई समस्याग्रस्त संस्थाको सूचीबाट फुकुवा गरेको छ ।

दाङको तुलसीपुरमा केन्द्रीय कार्यालय रहेको यस संस्थालाई राष्ट्र बैंकले नियमित वित्तीय कारोबार गर्न स्वीकृति प्रदान गरेको हो । नेपाल राष्ट्र बैंक, लघुवित्त संस्था सुपरिवेक्षण विभागले आज (२०८२ चैत १९ गते) एक सूचना जारी गर्दै उक्त जानकारी दिएको हो ।

राष्ट्र बैंकको २०८२ चैत ५ गतेको निर्णयानुसार यस संस्थालाई समस्याग्रस्त अवस्थाबाट फुकुवा गर्ने निर्णय गरिएको हो । यसअघि, नेपाल राष्ट्र बैंक ऐन, २०५८ को दफा ८६ ख को विभिन्न खण्डहरू बमोजिमका व्यवस्थाहरू पालना नगरेको र संस्थाको वित्तीय अवस्था नाजुक देखिएको भन्दै राष्ट्र बैंकले २०७९ भदौ २२ गते सार्वजनिक सूचना जारी गरी यस संस्थालाई ‘समस्याग्रस्त वित्तीय संस्था’ घोषणा गरेको थियो ।

लामो समयको सुपरिवेक्षण र सुधारका प्रक्रियापश्चात् संस्थाले पुनरागमन गरेको हो । अब यस संस्थाले अन्य लघुवित्त सरह सर्वसाधारणसँग नियमित वित्तीय कारोबार, निक्षेप संकलन र कर्जा प्रवाह गर्न पाउनेछ । पछिल्लो समय लघुवित्त क्षेत्रमा देखिएका चुनौतीहरूका बीच एउटा समस्याग्रस्त संस्था सुधारिएर नियमित कारोबारमा फर्कनुलाई सकारात्मक रूपमा हेरिएको छ ।

शेयर बजार सुधारका लागि अर्थमन्त्री वाग्लेले 'ब्रेक थ्रु' गर्दै: शेयर बजारमा तत्काल के के हुँदै छ ?

सञ्जीवनी लघुवित्त ‘समस्याग्रस्त’ सूचीबाट फुकुवा, नियमित कारोबार गर्न राष्ट्र बैंकको अनुमति

Popular News More

शेयर बजार सुधारका लागि अर्थमन्त्री वाग्लेले 'ब्रेक थ्रु' गर्दै: शेयर बजारमा तत्काल के के हुँदै छ ?

भविष्यको प्रेडिक्सनमा रमाउने शेयर बजार वर्तमानसँग आत्तियो, बुँदा नम्बर ४५ मा केछ?

अब मेरोलगानीको एआई चार्ट र डाटा एनालाइटिक्स निःशुल्क प्रयोग गर्न पाइने

इरानद्धारा विश्वकै सबैभन्दा ठूलो ‘स्मेल्टर कारखाना’ मा आक्रमण

शेयर बजारमा 'सेन्चुरी' गिरावटपछि अर्थमन्त्री वाग्लेको आश्वासन: 'बाचा पत्र अनुसारै काम हुन्छ, नआत्तिनुहोस्'

सूर्यबहादुर थापा, शेरबहादुर देउवापछि पक्राउ पर्ने तेस्रो पूर्व प्रधानमन्त्री बने ओली, कति समय बस्लान् जेल ?

Indices

Gainers More

Losers More