अन्तर्राष्ट्रिय अभ्यास र नेपाली पूँजी बजारमा बढ्दो लगानीकर्ताको संख्यालाई ध्यानमा राख्दै यो परिवर्तन गरिएको हो। सूचीकृत कम्पनीको मूल्य सीमा १५ प्रतिशत पुर्याउँदा बजार थप 'भोलाटाइल' (अस्थिर) हुन सक्ने देखिए पनि यसले बजारलाई वास्तविक मूल्य खोज्न र तरलता बढाउन सहयोग पुग्ने विश्लेषण गरिएको छ। आजदेखि लागू हुने यो व्यवस्थाले नेपालको पूँजी बजारलाई नयाँ उचाइमा लैजाने र लगानीकर्ताहरूका लागि थप अवसर सिर्जना गर्ने विश्वास गरिएको छ।
