१. नाफा–नोक्सानको ट्रेण्डः
कम्पनीको मुख्य वित्तीय सूचकहरूमा सकारात्मक लय देखिएको छः
खुद नाफामा वृद्धिः यस त्रैमाससम्म कम्पनीले १ करोड १७ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको ७५ लाख ५६ हजार रुपैयाँको तुलनामा ५५ प्रतिशतको वृद्धि हो।
सञ्चालन आम्दानीः कम्पनीले विद्युत बिक्री वा सञ्चालनबाट १७ करोड ७० लाख रुपैयाँ आम्दानी गरेको छ। यद्यपि, यो गत वर्षको सोही अवधिको (१८ करोड ७९ लाख रुपैयाँ) तुलनामा सामान्य कम हो।
कुल खर्चः कम्पनीको कुल खर्च १६ करोड ५१ लाख रुपैयाँ रहेको छ। यसमा वित्तीय खर्चको हिस्सा ५ करोड ९४ लाख रुपैयाँ छ, जुन गत आर्थिक वर्षको तुलनामा घटेको छ। जसका कारण कम्पनीको खुद नाफा बढ्न पुगेको हो।
२. बलियो पूँजीगत आधार
कम्पनीको सम्पत्ति र दायित्वको सन्तुलन स्थिर देखिएको छः
स्थिर सम्पत्तिः कम्पनीको स्थिर सम्पत्ति २ अर्ब ३० करोड रुपैयाँ छ। यसमा ‘प्रोपर्टी, प्लान्ट एण्ड इक्यूपमेन्ट’को हिस्सा २ अर्ब २ करोड रुपैयाँ रहेको छ।
चुक्ता पूँजीः कम्पनीको चुक्ता पूँजी ८० करोड रुपैयाँ रहेको छ।
जगेडा कोषः कम्पनीको जगेडा कोषमा १ करोड ५५ लाख रुपैयाँ सञ्चित छ, जुन गत आर्थिक वर्ष १ करोड ७१ लाख रुपैयाँ ऋणात्मक थियो। यसले कम्पनी बिस्तारै घाटाबाट मुक्त हुँदै गएको संकेत गर्छ।
कर्जाको अवस्थाः कम्पनीको दीर्घकालीन ऋण १ अर्ब ३४ करोड रुपैयाँ रहेको छ।
३. प्रमुख वित्तीय सूचकहरू
