प्रहरी प्रधान कार्यालय, बढुवा समितिको सचिवालयले बुधबार बसेको बैठकको निर्णयअनुसार बढुवा सिफारिस सूची सार्वजनिक गरेको हो। प्रहरी नियमावली, २०७१ को नियम २७ को उपनियम (४) अनुसार नामावली प्रकाशन गरिएको जनाइएको छ।
जनपद समूहतर्फ कोशी प्रदेश प्रहरी कार्यालय, विराटनगर मोरङको बजेट शाखामा कार्यरत डीएसपी ध्रुव कुमार श्रेष्ठलाई एसपी पदमा बढुवाका लागि सिफारिस गरिएको छ।
यस्तै, स्वास्थ्य उपसमूह (चिकित्सक) तर्फ ९ जना डीएसपीलाई एसपीमा बढुवाका लागि सिफारिस गरिएको छ। सिफारिस सूचीमा डा. शोभा वाग्ले, डा. सरोज सिंह, डा. विकल श्रेष्ठ, डा. बोध बिक्रम कार्की, डा. निर्मल घिमिरे, डा. नमन लामिछाने, डा. दिपा चुडाल, डा. सुवास थापा र डा. भवानी गुरुङ रहेका छन्।
त्यसैगरी, इन्जिनियरिङ उपसमूह (कम्प्युटर) तर्फ ३ जना डीएसपीलाई एसपीमा बढुवाका लागि सिफारिस गरिएको छ। बढुवा सिफारिसमा ई. रामकुमार बस्नेत, सुनिल कुमार वरनवाल र राजन महर्जन परेका छन्।
प्रकाशित सिफारिस सूचीउपर नियमानुसार उजुरी दिन सकिने व्यवस्था समेत गरिएको प्रहरी प्रधान कार्यालयले जनाएको छ।
