सन फ्रान्सिस्को वे एरिया रङ्गशालामा नेपाली समय अनुसार आज बिहान भएको उक्त खेलमा कतारले विश्वकप इतिहासमै आफ्नो पहिलो अङ्क जोड्न सफल भएको हो।
खेलको १७ औँ मिनेटमा पाएको पेनाल्टीलाई सदुपयोग गर्दै स्विट्जरल्यान्डका ब्रिल एम्बोलोले गोल गरी टोलीलाई सुरुवाती अग्रता दिलाएका थिए। कतारी गोलकिपर महमुद अबुनादाले फउल गरेपछि स्विट्जरल्यान्डले उक्त पेनाल्टी पाएको थियो, जुन निर्णय भिडियो असिस्टेन्ट रेफ्रीको कडा प्रतिस्पर्धात्मक जाँचपछि लिइएको थियो। खेलभरि स्विट्जरल्यान्डले निकै आक्रामक खेल प्रदर्शन गर्दै गोल गर्ने थुप्रै अवसरहरू बनाए पनि कतारी गोलकिपरको उत्कृष्ट बचाउका कारण थप गोल गर्न सकेन।
खेलभरि १–० ले पछि परेको कतारका लागि इन्जुरी समयको चौथो मिनेट (९०ं४) मा डिफेन्डर बुआलेम खुखीले उत्कृष्ट गोल गर्दै खेललाई बराबरीमा ल्याए र कतारको संकट टारे।
यो बराबरीसँगै कतारले विश्वकपको मञ्चमा पहिलो पटक ऐतिहासिक अङ्क प्राप्त गरेको छ। यसअघि सन् २०२२ को विश्वकपमा आयोजकका रूपमा सहभागिता जनाए पनि कतारले कुनै अङ्क जोड्न सकेको थिएन।
(तस्विरः आउटलुकइण्डिया)
