कम्पनीले क्रेडिट रेटिङ प्रक्रियाका लागि रेटिङ एजेन्सी CARE Ratings Nepal सँग औपचारिक सम्झौता गरेको छ। पूँजी बजारमा प्रवेश गर्ने रणनीतिअनुसार कम्पनीले आवश्यक कानुनी तथा नियामकीय प्रक्रियाहरूलाई अगाडि बढाएको जनाएको छ।
ब्रह्म ज्योति होल्डिङ्सले यसअघि नै IPO निष्कासन तथा बिक्री प्रबन्धक (Issue Manager) का रूपमा प्रभु क्यापिटल लिमिटेडलाई नियुक्त गरिसकेको छ।
१४ लाख कित्ता शेयर निष्कासन गरिने
कम्पनीले आफ्नो कुल जारी पूँजीको २० प्रतिशत बराबर हुन आउने १४ लाख कित्ता साधारण शेयर सर्वसाधारणका लागि निष्कासन गर्ने योजना बनाएको छ। हाल यस कम्पनीले जलविद्युत्, कृषि, पर्यटन तथा आतिथ्य (Hospitality) जस्ता उत्पादनशील र सेवामूलक क्षेत्रहरूमा आफ्नो लगानी विस्तार गर्दै आएको छ।
