काम सम्पन्न भएसँगै बिहीबारदेखि पृथ्वी राजमार्गमा पूर्णरूपमा सवारीसाधन सञ्चालन गर्ने तयारी गरिएको छ।
भदौ १४ गते त्रिशूली नदीमा आएको बाढीले कृष्णभिर क्षेत्रमा सडक कटान गरेपछि पृथ्वी राजमार्ग अवरुद्ध भएको थियो। राजमार्ग अवरुद्ध भएपछि ठूला तथा साना सवारीसाधन वैकल्पिक सडकमार्फत काठमाडौं–आउजाउ गर्दै आएका थिए।
भदौ २८ गते केही हेभी सवारीसाधन सञ्चालन गराएर नयाँ ट्र्याकको परीक्षण गरिएको थियो। तर निर्माण कार्य पूर्णरूपमा नसकिएको भन्दै नियमित सवारी सञ्चालन गर्न दिइएको थिएन।
नयाँ ट्र्याक निर्माण सम्पन्न भएसँगै लामो समयदेखि अवरुद्ध पृथ्वी राजमार्गमा नियमित यातायात सञ्चालन हुने भएको छ।
