प्रधानमन्त्री तथा मन्त्रिपरिषद्को कार्यालयले दिएको जानकारी अनुसार आजको मन्त्रिपरिषद् बैठकमा मुलुकको पछिल्लो समसामयिक विषयहरूमाथि विस्तृत छलफल गरिनेछ। समसामयिक विषयमा छलफल पश्चात् बैठकबाट सरकारका तर्फबाट आवश्यक महत्त्वपूर्ण निर्णयहरू समेत लिइने बताइएको छ।
मन्त्रिपरिषद् बैठक बस्नुअगावै आजै बिहान ११ बजे सर्वदलीय बैठक समेत आयोजना गरिएको छ। उक्त सर्वदलीय बैठक राष्ट्रिय स्वतन्त्र पार्टी (रास्वपा) का सभापति रवि लामिछानेले आह्वान गरेका हुन्।
रास्वपा सभापति लामिछानेले बोलाएको सर्वदलीय बैठकमा मुख्यगरी उच्चस्तरीय राजनीतिक संयन्त्र गठन गर्ने विषयमा दलहरूबीच छलफल हुने जनाइएको छ। आज बिहान बस्ने सर्वदलीय बैठक र दिउँसो बस्ने मन्त्रिपरिषद् बैठकलाई चासोका साथ हेरिएको छ।
