गत साता नेप्से परिसूचक करिब २ प्रतिशत घटेर बन्द भएको छ। अघिल्लो साता २६६१.६४ विन्दुमा बन्द भएको नेप्से, गत साता १.८७ प्रतिशत अर्थात ४९.७९ अंक घटेर २६११.८५ विन्दुमा झरेको छ।

गत साता ४ कारोबार दिनका लागि बजार खुलेको थियो। जसमध्ये चारै कारोबार दिन नेप्से घटेको थियो।

प्रतिरोध परीक्षण गरेर झर्यो

गत साता नेप्से परिसूचक २६५० देखि २७०० को प्रतिरोध क्षेत्र परीक्षण गरी तल झरेको छ। नेप्सेले पछिल्लो समय सो क्षेत्रमा धेरै पटक प्रतिरोध परीक्षण गरिसकेको छ। आगामी दिनमा नेप्से ओरालो लागेमा २४४० देखि २५०० को क्षेत्रमा टेवा पाउने देखिन्छ।

बिक्रीकर्ता बलियो

साप्ताहिक रुपमा गत साता नेप्सेले बियरिश मैनबत्ती बनाएको छ। यसले सो साता बजारमा बिक्रीकर्ता बलियो रहेको संकेत गर्दछ। त्यसैगरी, साताका चारै कारोबार दिन पनि नेप्सेले रातो मैनबत्ती बनाएको थियो। जसले पनि ती दिनहरुमा बजारमा बिक्रीकर्ता हाबी रहेको संकेत गर्दछ।

कमजोर भोल्यूम

गत साता नेप्सेको भोल्यूम कमजोर बनेको छ। गत साता नेप्सेमा दैनिक औषतमा ८ अर्ब ९१ करोडको शेयर कारोबार भएको थियो। साताको अन्तिम कारोबार दिन नेप्सेको २० दिने औषत भोल्यूम ८ अर्ब ९६ करोड रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ०.५५ प्रतिशत कम हो।

बियरिश क्रशओभर

साताको अन्तिम कारोबार दिन एमएसिडीमा बियरिश क्रशओभर बनेको छ। एमएसिडी रेखाले सिग्नल रेखालाई माथिबाट काटेर तल लागेसँगै यस्तो क्रशओभर बनेको हो। यसले आगामी दिनमा घट्ने संकेत गर्दछ। त्यस्तै, सो दिन हिस्टोग्राम पनि सकारात्मक क्षेत्रबाट नकारात्मक क्षेत्रतर्फ बढेको छ।

बिक्रीचाप बढी

गत साता नेप्सेको स्टकास्टिक आरएसआई ओभरसोल्ड जोनमा रहेको छ। यसले गत साता बजारमा खरिद चापको तुलनामा बिक्रीचाप बढी रहेको संकेत गर्दछ।

(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)

(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)