आईतावर सिंहदरबारमा बसेको अर्थ समितिको बैठकमा बोल्दै उनले यस्तो बताएका हुन । उनले बजार सुस्ताउनु खतरनाक पक्ष भएको बताए । आगामी मौद्रिक नीतिले चलायमान बनाउनुपर्ने उनको भनाइ छ । अर्थतन्त्र चलायमान बनाउन घरेलु उद्योगलाई २०–२५ लाखसम्म ऋण प्रवाह गर्नुपर्ने बताए। बजारमा पैसा लैजानका लागि राष्ट्र बैंकले प्रभावकारी नीति ल्याउनुपर्ने बताए ।
सभापति चालिसेले भने– ‘अर्थतन्त्र चलायमान बनाउन घरेलु उद्योगलाई २०–२५ लाखसम्म ऋण प्रवाह गर्नुपर्छ । बजारमा पैसा लैजानका लागि राष्ट्र बैंकले प्रभावकारी नीति ल्याओस् । हिजो ऋण लिएकाहरु अहिले किन सुस्ताए । सबै बैंकमा आउन किन डराए । यसबारे अध्ययन हुनुपर्छ । मौद्रिक नीतिले समेत सम्बोधन गर्नुपर्छ ।’
उनकाअनुसार २०७२ सालको भूकम्पका बेला बैंकहरुले छुट दिने काम भएन । धेरैको घरजग्गा बैंकमा अड्किएको छ । त्यसैले मान्छेहरु ऋण लिन जान सकिरहेका छैनन् । यसमा अध्ययन हुनुपर्ने उनको भनाइ छ ।
