नेपाल धितोपत्र बोर्डले मंगलबार “नेपाल धितोपत्र बोर्डले आर्थिक वर्ष २०८२/८३ का लागि धितोपत्र बजार तथा वस्तु विनिमय बजार सम्बन्धी नीति तथा कार्यक्रमहरू ”सार्वजनिक गर्यो। सोही सार्वजनिक नीति तथा कार्यक्रममा उक्त व्यवस्था गर्न लागिएको उल्लेख छ।
नेपाल धितोपत्र बोर्डले उक्त व्यवस्था गर्न सिडिएससीलाई निर्देशन दिइसकेको छ। सिडिएससीले विद्यमान नियम परिवर्तन गर्ने बोर्डलाई अनुरोध गरे पश्चात् नियम परिवर्तन भई उक्त व्यवस्था लागु हुने छ। “बोर्डले सिडिएससीलाई विद्यमान व्यवस्थामा परिमार्जन गर्न, पाँच वर्षदेखि नवीकरण नभएका र खातामा धितोपत्र मौज्जाद नभएका हीतग्राहि खाता बन्द गर्न सक्ने, उक्त खाताहरू बन्द गर्दा नवीकरण शुल्क प्राप्त हुन नसकेमा सो छुट दिने र निक्षेप सदस्यले नवीकरण शुल्क प्राप्त गरेपश्र्चात मात्र केन्द्रीय निक्षेप कम्पनीलाई बुझाउनु पर्ने दस्तुर वा शुल्क बुझाउने व्यवस्था गरी सम्बन्धित विनियम संशोधनका लागि बोर्डमा पेस गर्न निर्देशन दिएको छ,” बोर्डले जारी गरेको नीति तथा कार्यक्रममा उल्लेख छ।
