फोहाेर फाल्ने बञ्चरेडाँडा क्षेत्रका वासिन्दाले विगतमा भएका सहमति कार्यान्वयन नगरेको भन्दै फोहोर विसर्जन गर्न रोकेपछि उपत्यकाका विभिन्न ठाउँको फोहोर उठ्न सकेको छैन् ।
काठमाडौं महानगरपालिका र सहरी विकास मन्त्रालयसँग विगतमा भएका सहमति कार्यान्वयन नभएकाले फोहाेर बोकेर आएका गाडीलाई फिर्ता पठाइएको छ ।
यसअघि तत्कालीन सहरी विकासमन्त्री कुलमान घिसिङले विगतका सहमति कार्यान्वयन गर्ने प्रतिबद्धता जनाएसँगै फोहोर विसर्जनको अवरोध हटेको थियो । सो सहमति कार्यान्वयन नभएसम्म फोहर फाल्न नदिने अडान स्थानीयले लिएका छन् ।
