चालक दलका ६११ जना कर्मचारीसहित फसेका ती २२ जहाजहरुमा १६.७ लाख टन कच्चा तेल, ३.२ लाख टन एलपीजी र लगभग २ लाख टन एलएनजी लोड गरिएको छ । यी जहाजहरू स्ट्रेट अफ हर्मुज हुँदै अगाडि बढ्ने बाटो खोज्ने प्रतीक्षामा छन् । उनीहरुको सुरक्षाका लागि भारतले नौसेनाको युद्धपोत तैनाथ गरेको बताइएको छ ।
अलपत्र परेका जहाजमा छ वटा एलपीजी क्यारियर, एलएनजी ट्यांकर, चार कच्चा तेल ट्यांकर, एक रासायनिक उत्पादन वाहक, तीन कन्टेनर जहाज र दुई बल्क कार्गो क्यारियर छन् ।
साथै सुक्खा डकमा मर्मतका लागि एक ड्रेजर, एउटा खाली जहाज र तीन वटा जहाज पनि छन् । अहिले ती जहाजहरुलाई त्यहाँबाट निकाल्नको लागि कुटनीतिक प्रयास भइरहेको संचारमाध्यमहरुले उल्लेख गरेका छन् । ती जहाजहरु आएमा अहिले देखिएको तेल, ग्याँसलगायतका वस्तुहरुको अभाव पनि केही हदसम्म हट्न सक्ने बताइएको छ ।
