३३.७ किलोमिटर लामो चार लेनको उक्त सडकको १५.७९ किलोमिटर लामो सुरुङ ब्रम्हपुत्र नदी मुनी हुनेछ । उक्त सुरुङले नदीको उत्तरी किनारमा रहेको गोहपुरलाई नदीको दक्षिणी किनारमा रहेको नुमालीगढसँग जोड्नेछ ।
यस परियोजनाको निर्माणसँगै मालवाहक क्षमता बढ्ने,लागत घट्ने र सम्पूर्ण क्षेत्रको सामाजिक आर्थिक वृद्धि हुने दावी गरेका छन् । यो ‘सुरुङ रेलमार्ग’ बनेपछि भारतका अरुणान्चल, आसम, मिजोरम, मणिपुर, सिक्किम, मेघालय र त्रिपुरा राज्यका बासिन्दाको मात्र नभएर नेपाली नागरिकहरुको जीवनस्तर उकास्नसमेत सहयोग पुग्ने दावी भारतीय अधिकारीहरुले गरेका छन् ।
साथै उनीहरुले भारत र चीन वा अरु कुनै देशसँग युद्ध भएमा आफ्ना करोडौं नागरिकहरुलाई सुरक्षितरुपमा राख्न सक्ने गरि त्यो सुरुङलाई बंकरकोरुपमा समेत प्रयोग गर्न सक्ने गरि निर्माण गर्न लागिएको छ । यसै वर्ष सिलन्यास गरेर केही वर्ष भित्रै सक्ने लक्ष्य लिएको उक्त सुरुङ मार्गको लागत कति हो भन्ने बारेमा भने भारतीय अधिकारीहरुले अहिलेसम्म औपचारिकरुपमा केही बताएका छैनन् ।
