प्राधिकरणअन्तर्गत व्यवसाय विकास निर्देशनालय, विद्युत् व्यापार विभागले बुधबार (वैशाख ९) गते प्रकाशित सूचनामार्फत यस्तो जानकारी दिएको हो ।
प्राधिकरण सञ्चालक समितिको २०७१ भदौ ३१ गते बसेको ६८८औँ बैठकले निजी क्षेत्रका विद्युत प्रवर्द्धक कम्पनीहरूसँग सम्पन्न विद्युत् खरिद–बिक्री सम्झौता तथा ग्रीड कनेक्सन एग्रिमेन्टमा उल्लेखित प्राधिकरणको दायित्व भित्र पर्ने प्रसारण लाइन र सबस्टेसन निर्माण कार्य सम्पन्न नभएको अवस्थालाई ध्यानमा राख्दै आरसीओडी संशोधन गर्न स्वीकृति दिने निर्णय गरेको उल्लेख छ ।
उक्त निर्णयअनुसार आरसीओडीसम्म पनि निर्माण सम्पन्न नभएका आयोजनाहरूले तोकिएका सर्त पूरा गरेको अवस्थामा आफ्नो आयोजनाको आरसीओडी थप गर्न सक्नेछन् । यसका लागि सूचना प्रकाशित भएको मितिले सात दिनभित्र सम्बन्धित विभागमा सम्पर्क गर्न प्राधिकरणले आग्रह गरेको छ ।
