१. नाफा र आम्दानीको लोभलाग्दो वृद्धि
लघुवित्तले चालु आर्थिक वर्षको चैत मसान्तसम्म ९ करोड ८४ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ३३७.४४ प्रतिशत बढी हो। नाफामा भएको यो वृद्धिसँगै लघुवित्तको प्रतिशेयर आम्दानी पनि ५२ रुपैयाँ ५३ पैसा पुगेको छ, जुन लघुवित्त क्षेत्रकै उत्कृष्ट मध्ये एक हो।
२. खुद ब्याज आम्दानीमा १०४.८ प्रतिशत वृद्धि
लघुवित्तको खुद ब्याज आम्दानी गत वर्षको ११ करोड ३ लाखबाट बढेर २२ करोड ६० लाख रुपैयाँ पुगेको छ। यस वृद्धिका पछाडि मुख्य दुई कारणहरू रहेका छन्ः
ब्याज आम्दानीमा सुधारः कर्जा विस्तारसँगै ब्याज आम्दानी २६ करोड ५९ लाखबाट बढेर ३८ करोड ३६ लाख रुपैयाँ पुगेको छ।
ब्याज दर अन्तरः लघुवित्तको स्प्रेड रेट ६.२३ प्रतिशतबाट बढेर ८.८८ प्रतिशत पुगेको छ। कोषको लागत ८.५३ प्रतिशतबाट घटेर ६.३४ प्रतिशतमा झर्दा लघुवित्तको मुनाफाको मार्जिन फराकिलो भएको हो।
३. नाफा बढ्नुको मुख्य कारणः राइट ब्याक
चालु आर्थिक वर्षको चैत मसान्तसम्मको नाफामा उल्लेख्य वृद्धि देखिनुमा लघुवित्तको प्रभावकारी कर्जा असुली र प्रोभिजनिङको व्यवस्थाले मुख्य भूमिका खेलेको छः
इम्पेरमेन्ट चार्ज रिभर्सः गत आर्थिक वर्षको तेस्रो त्रैमाससम्ममा २ करोड ४५ लाख रुपैयाँ सम्भावित कर्जा नोक्सानीका लागि छुट्याउनुपरेकोमा चालु आर्थिक वर्ष ९४ लाख १७ हजार रुपैयाँ फिर्ता भएको छ। यसले लघुवित्तको नाफालाई प्रत्यक्ष रूपमा थप बल पुर्याएको छ।
खराब कर्जा नियन्त्रणः संस्थाले खराब कर्जालाई ६.८४ प्रतिशतबाट घटाएर ५.१४ प्रतिशतमा झार्न सफल भएको छ।
४. वित्तीय स्थिति र लाभांश क्षमता
जगेडा कोषः गत आर्थिक वर्ष करिब ६ करोड रुपैयाँ ऋणात्मक रहेको जगेडा कोष र रिटेन्ड अर्निङमा व्यापक सुधार आउँदा अहिले जगेडा कोष ११ करोड ८४ लाख रुपैयाँ धनात्मक भएको छ।
लाभांश क्षमताः लघुवित्तको वितरणयोग्य नाफा २ करोड ६१ लाख रुपैयाँ रहेको छ, जसका आधारमा लघुवित्तको तत्कालको लाभांश क्षमता १०.४५ प्रतिशत देखिएको छ।
प्रतिशेयर नेटवर्थः लघुवित्तको प्रतिशेयर नेटवर्थ सुधारिएर १५७ रुपैयाँ ८४ पैसा पुगेको छ।
