अघिल्लो कारोबार दिन अर्थात मंगलबार ७.२५ अंक बढेर २७२६.४९ विन्दुमा बन्द भएको नेप्से, यस दिन सो सेसनमा ६.६८ अंक घटेर २७१९.८१ विन्दुमा झरेको छ। सो सेसनमा सेन्सेटिभ इण्डेक्स भने ०.६४ अंक घटेको छ।
बुधबार प्रि ओपन सेसनमा ५७ स्टकको ८० पटकको कारोबारमा २ करोड १७ लाख ७३ हजार ८१४ रुपैयाँबराबरको ३४ हजार ८३० कित्ता शेयर खरिदबिक्री भएको छ। जसमध्ये १० स्टकको मूल्य बढेको छ भने ४२ स्टकको मूल्य घटेको छ। बाँकी ५ स्टकको मूल्य भने सो सेसनमा स्थिर रहेको छ।
