जगदम्बा मोटर्सको सहकार्यमा ल्याइएको स्कुटरमा १४९.७ सीसी इन्जिन छ, जसले १३.२ पीएस पावर र १४.२ एनएम टर्क उत्पादन गर्छ ।
एनटर्क १५० ले ६.३ सेकेन्डमा ०–६० किमी प्रतिघण्टाको गति लिन सक्ने र यसको अधिकतम गति १०४ किमी प्रतिघण्टा रहेको कम्पनीले जनाएको छ ।
स्टिल्थ एयरक्राफ्टबाट प्रेरित डिजाइन भएको स्कुटरमा ५० भन्दा बढी स्मार्ट कनेक्ट फिचर, टर्न–बाई–टर्न नेभिगेसन, राइड मोड, कल–मेसेज अलर्ट, सिंगल च्यानल एबीएस र ट्रयाक्सन कन्ट्रोल लगायतका सुविधा छन् । २२ लिटरको अन्डर–सिट स्टोरेज पनि दिइएको छ ।
एनटर्क १५० स्टिल्थ सिल्भर, रेसिङ रेड र टर्बो ब्लु गरी तीन रङमा उपलब्ध छ । यसको प्रारम्भिक मूल्य ३ लाख ६९ हजार ९०० रुपैयाँ तोकिएको छ ।
