थाइल्याण्डको बैंककमा जारी विश्व बैंक र अन्तर्राष्ट्रिय मुद्रा कोषको वार्षिक बैठकमा सहभागी अर्थमन्त्री वाग्ले र एडीबी अध्यक्ष मासातो कान्दाबीच बिहीबार भएको भेटवार्तामा विपद्पछिको पुनरुत्थान तथा पुनर्निर्माणका लागि स्रोत परिचालनबारे छलफल भएको हो ।
विनाशकारी बाढीपछि उद्धार कार्यमा सहयोग पुर्याउन आपतकालीन अनुदान शीघ्र स्वीकृत गरेको र ऐक्यबद्धता जनाएकोमा नेपालले एडीबीप्रति कृतज्ञता व्यक्त गरेको छ ।
भेटमा एडीबी अध्यक्ष कान्दाले नेपालको विकासका लागि सहकार्य गर्नु बैंकको उच्च प्राथमिकतामा रहेको बताएका थिए । छलफलमा अर्थसचिव डा. घनश्याम उपाध्याय र अर्थ मन्त्रालयका सहसचिव अमृत लम्साल पनि सहभागी थिए ।
