अमेरिकी डलरमा यो सञ्चिति १८ अर्ब ६५ करोड डलर रहेको छ जुन चालु आवको शुरुवातको तुलनामा २२ दशमलब २ प्रतिशतले बढी हो । २०८१ को असार मसान्तसम्म १५ अर्ब २७ करोड डलर मात्रै वैदेशिक मुद्रा सञ्चिति थियो ।
कुल विदेशी सञ्चिति मध्ये राष्ट्र बैंकसँगै जेठ मसान्तसम्म २२ खर्ब ७४ अर्ब ४७ करोड रुपैयाँ छ भने बैंक तथा वित्तीय संस्थासँग २ खर्ब ९४ अर्ब ९२ कराेड रुपैयाँ छ । कु्ल विदेशी मुद्रा सञ्चितिमा भारतीय मुद्राको अंश साढे २० प्रतिशत रहेको राष्ट्र बैंकले जनाएको छ । नेपालको ११ महिनाको आयातलाई आधार मान्दा अहिलेको विदेशी मुद्रा सञ्चितिले १७ दशमलब ६ महिनाको वस्तु आयात तथा १४ दशमलब ७ महिनाको वस्तु तथा सेवा आयात धान्न पर्याप्त रहेको राष्ट्र बैंकको विश्लेषण छ । विदेशी मुद्रा सञ्चिति नेपालको जीडीपी ४२ दशलमब १ प्रतिशत पुगेको छ भने कुल आयातसँगै १ सय २२ दशमलब ९ प्रतिशत र विस्तृत मुद्रा प्रदायको ३४ दशमलब १ प्रतिशत कायम भएको छ ।
