अर्थमन्त्री डा. स्वर्णिम वाग्लेले ‘मेरिट बेस’ (कार्य सम्पादन र उच्च योग्यता)का आधारमा डेपुटी गभर्नर छनाेट गर्ने बताउँदै आएका छन् । उनले डेपुटी गभर्नरका लागि नाम सिफारिस गर्न गभर्नर विश्वनाथ पौडेललाई निर्देशन दिएका छन् ।
गभर्नर पाैडेलले राष्ट्र बैंकका कार्यकारी निर्देशकमध्येबाट चार जनाको नाम सिफारिस गर्ने र तीमध्येबाट मन्त्रिपरिषद्ले दुई जनालाई डेपुटी गभर्नरमा नियुक्त गर्ने प्रावधान रहेको छ। तर, हाल राष्ट्र बैंकमा १७ जना कार्यकारी निर्देशक कार्यरत छन्।
राष्ट्र बैंकमा अहिले नरेश शाक्य, रेवती नेपाल, रामु पौडेल, विश्रुत थापा, दयाराम शर्मा, गुरुप्रसाद पौडेल, किरण पण्डित, डा. सत्येन्द्र तिमल्सिना, चेतप्रसाद उप्रेती, डा. रामशरण खरेल, डा. डिल्लीराम पोखरेल, दीर्घबहादुर रावल, निश्चल अधिकारी, अनुज दाहाल, दीपकराज लामिछाने, राजनविक्रम थापा र राजेन्द्र भट्टराई कार्यकारी निर्देशक छन् ।
