वि.सं. २०५६ सालमा विद्यार्थी छँदानै हिमालयन बैंकको शेयर खरिद गरेर सुरु भएको उनको लगानी यात्रा आज एउटा विशाल वटवृक्ष बनेको छ। ढकालको बुझाइमा स–सानो पूँजीलाई एकीकृत गर्दै जानु नै ठूलो सम्पत्ति निर्माणको आधार हो। बजार उच्च विन्दुमा पुग्दा होस् वा न्यून विन्दुमा झर्दा, उनी कहिल्यै विचलित भएनन्। उनी भन्छन्, ‘शेयर बजार विशाल सागर हो, यहाँ जत्रो भाँडो लिएर आयो, त्यति नै पानी भर्न सकिन्छ।’
आफ्नै गल्ती र अनुभवबाट खारिएका ढकाल, राम्रो वित्तीय अवस्था र इमान्दार व्यवस्थापन भएका कम्पनीमा गरिएको लगानीले कहिल्यै पछुताउनु नपर्ने बताउँछन्। 'शेयर बजार जुवा होइन, बरु धैर्य र अनुशासनको प्रतिफल हो',उनी भन्छन् । जसरी एमजी कारले सुरक्षित गन्तव्यमा पुर्याउँछ। ढकालको लगानी दर्शनले पनि नयाँ लगानीकर्तालाई समृद्धिको सही मार्ग देखाउँछ। नेप्से सूचकको गहिराइ नाप्ने तिनै नेपाली शेयर बजारका भ्याल्यू इन्भेष्टर ढकाललाई ‘मेरो लगानी मार्केट लेजेन्ड्स सिरिज’मा स्वागत गर्दछौं ।
