इन्भेस्टर मिट २०८३ साउन २३ गते रोयल ट्युलिप, ग्वार्को, ललितपुरमा हुने बताइएकाे छ ।
'नेपालको पुँजी बजार: वर्तमान परिदृश्य, चुनौती, समाधान र सर्ट सेलिङ तथा इन्ट्राडे ट्रेडिङको भविष्य: जोखिम कि नयाँ अवसर?' विषयमा केन्द्रित रहेर यो कार्यक्रम सञ्चालन गर्न लागिएको हो।
उक्त अन्तरक्रियात्मक प्यानलिस्टका रूपमा अनुभवी बैंकर पर्शुराम कुँवर क्षेत्री, व्यवसायी तथा भू-राजनीतिक/आर्थिक विश्लेषक अरुणकुमार सुवेदी र अन्तर्राष्ट्रिय पुँजी बजार विज्ञ मुक्ति अर्याल सहभागी भई बजारको अवस्था र रणनीतिबारे विचार मन्थन गर्नेछन्। कार्यक्रममा पुँजी बजार विश्लेषक अजित खनाल की नाेट स्पीकर रूपमा रहनेछन्।
नेपाली सेयर बजारका लगानीकर्ताहरूलाई बजारका नयाँ प्रवृत्ति, सर्ट सेलिङ, इन्ट्राडे ट्रेडिङ तथा नेटवर्किङको अवसर प्रदान गर्ने उद्देश्यले यो कार्यक्रम आयोजना गर्न लागिएको आयोजकले जनाएको छ।
