सोमबारको बजार १३.८० अंकले बढेर २८७२.७० विन्दुमा पुगेको छ । यसदिन १० अर्ब ८२ करोड २४ लाख रुपैयाँ बराबरको शेयर खरिदबिक्री भएको छ । आजको बजारमा कारोबार बन्द भएपछि सूचक गणनामा देखिएको गढबडीले लगानीकर्ताहरु रुष्ठ भएका छन् । नेप्सेले सूचक गणना बिधिको विस्वासनियता गुमाउँदै गएको लगानीकर्ताहरुको आरोप छ ।
पछिल्ला तीन कारोबार दिनको फराकिलो अंकको करेक्सनले बजारलाई दबाब पारेको छ । यो अवधिमा बजार बढ्ने र छिट्टै नयाँ उचाइ बनाउने विश्वासमा रहेका समेत डराउने अवस्था सिर्जना भएको हो ।
बजारमा आउने उतारचढावलाई स्वभाविक रुपमा लिइन्छ । सोमबारदेखि बजारमा यस पटकको करेक्सन सकिएको लगानीकर्ताको बुझाई छ । आजको बजारमा बैंकिङ समूह चलायमान हुनाले भने पुनः आशा जगाएकाेछ । बैंकिङ समूह नचल्दासम्म सूचक बढ्न मुस्किल पर्ने लगानीकर्ताहरुको बुझाई छ । भाेलिकाे बजारले पनि सकारात्मक गति कायम गरेमा कारोबार रकम समेत बढ्ने छ । सोही अनुसार बजार अब ठूलो करेक्सन नहुने संकेत गरेको लगानीकर्ताहरुको बुझाई छ ।
