रोयल एनफिल्ड ब्राण्डकाे पहिलो विद्युतीय बाइक हालै भारतीय बजारमा सार्वजनिक भएको छ । रोयल एनफिल्ड फ्लाइङ फ्लीए सी ६ विद्युतीय मोटरसाइकल शुक्रबार भारतीय बजारमा बिक्रीका लागि राखिएको हो ।

ब्याट्री–ए–सर्भिस विकल्पका साथ बजारमा उपलव्ध रहेको कम्पनीको दाबी छ । लन्च भएको उक्त विद्युतीय मोटरसाइकलको सुरुवाती मूल्य १ लाख ९९ हजार देखि सुरु भई यसलाई सिधै खरिद गर्दा २ लाख ७९ हजार भारतीय रुपैयाँ पर्ने कम्पनी दाबी छ ।

सार्वजनिक भएको एनफिल्ड फ्लाइङ फ्लीए सी ६ विद्युतीय बाइकको बुकिङ र परिक्षण गत अप्रिल १,२०२६ मा गरियो । भारतको बेंगलुरुमा शुक्रबार दिउँसो १२ बजे उक्त विद्युतीय मोटरसाइकलको लन्च गरिएको हो ।

कम्पनीका आधिकारिक डिलर तथा शोरुमहरुमा रोयल एनफिल्डको नयाँ विद्युतीय बाइक बिक्रीका लागि उपलव्ध भएको छ । रोयल एनपिल्ड इलेक्ट्रिक बाइकको पावरट्रेन सेटअपमा ३.९१ किलोवाट आवर ब्याट्री प्याक समावेश छ । जुन, स्थायी चुम्बक सिंक्रोनस मोटरसँग जोडिएको हुन्छ ।

उक्त मोटरले १५.४ किवलोवाटको पावर र ६० एनएम टर्क उत्पादन गर्ने कम्पनीको दाबी छ । ई–मोटरले बेल्ट ड्राइभमार्फत पछाडिको पाङ्ग्राहरुमा पावर प्रदान गर्नेछ । कम्पनीका अनुसार, एनफिल्ड फ्लाइङ फ्लीए सी ६ इलेक्ट्रिक बाइक एक पटकमा फुज चार्ज गर्दा १५४ किलोमिटरको यात्रा तय गर्ने कम्पनीको विश्वास छ ।

यो ३.७ सेकेन्डमा ० देखि ६० किलोमिटर प्रतिघण्टाको गति प्रदान गर्ने बाइकमध्ये एक पर्छ । यसको उच्चतम गति ११५ किलोमिटर प्रतिघण्टा रहेको छ । यो बाइक पूर्ण चार्ज हुन २ घण्टा लाग्ने कम्पनीले जनाएको छ ।

यो बाइकको मूल विशेषताहरु  निम्न छन्ः

- ९०–सेक्शन टायरहरू सहित १९–इन्च रिमहरू
- गोलाकार ३.५ इन्च रंगीन टीएफटी
- नयाँ समर्पित स्विचगियर डिस्प्लेहरू
- समायोज्य पुनर्जन्म ब्रेकिङ
- ५ राइडिङ मोडहरू (शहर, वर्षा, राजमार्ग, खेलकुद र अनुकूलन)
- ट्र्याक्सन नियन्त्रण
- डुअल(च्यानल एबीएस
- तौल ( १२४ किलोग्राम
- सिट उचाइ–८२३ मिमी
- ग्राउन्ड क्लियरेन्स–२०७ मिमी