कम्पनीका अनुसार आर्थिक वर्ष २०८०/८१ सम्मको बक्यौता रकम रहेका ग्राहकहरूले आगामी २०८३ साल पौष मसान्तभित्र उक्त रकम भुक्तानी गरेमा लाग्ने सम्पूर्ण जरिवाना मिनाहा गरिनेछ । टेलिकमले आफ्ना ग्राहकहरूलाई यो अवसरको सदुपयोग गर्न र नजिकैको दूरसञ्चार कार्यालयमा गई बक्यौता बुझाउन अनुरोध समेत गरेको छ ।
छुटको अवसर प्रदान गर्दा पनि बक्यौता भुक्तानी नगर्ने ग्राहकहरूको हकमा भने कम्पनीले कडा कदम चाल्ने संकेत गरेको छ । तोकिएको समयभित्र रकम भुक्तानी नगरेमा त्यस्ता ग्राहकहरूको नाम र विस्तृत विवरण कम्पनीको आधिकारिक वेबसाइट तथा राष्ट्रिय स्तरका पत्रिकाहरूमा सार्वजनिक गरिने टेलिकमले जनाएको छ । सार्वजनिक सूचना प्रकाशन गरी असुली प्रक्रियालाई कानुनी रूपमै अगाडि बढाइने समेत कम्पनीले स्पष्ट पारेको छ ।
