विद्युत् नियमन आयोगका अध्यक्ष र सदस्य नियुक्ति सिफारिस समितिले अध्यक्ष पदका लागि ६ जना र सदस्य पदका लागि ९ जना सर्टलिस्टमा परेका हुन् ।
छनोट समितिका अनुसार, आयोगको अध्यक्ष पदका लागि केशवध्वज अधिकारी (ललितपुर), डा. रामप्रसाद धिताल (सिन्धुपाल्चोक), मधुप्रसाद भेटुवाल (काठमाडौँ) र मोतीबहादुर कुँवर (काठमाडौँ), डा. मधुसुधन अधिकारी (काठमाडौँ) र डा. भोलानाथ शर्मा घिमिरे (गोरखा) को नाम सर्टलिस्टमा परेको हो ।
त्यस्तै, आयोगको सदस्य पदका लागि ९ जनाको नाम सर्टलिस्टमा परेको छ । जसमा निरज्वल बस्नेत (उदयपुर),रुद्रप्रसाद सिटौला (काठमाडौँ),जयराज भण्डारी (काठमाडौँ), लोकराज पाठक (काठमाडौँ), बलराम सिलवाल (धादिङ), विज्ञानप्रसाद श्रेष्ठ (काठमाडौँ), अर्जुनकुमार गौतम (भक्तपुर), नरेन्द्रसिंह भण्डारी (काठमाडौँ) र नारायणप्रसाद सापकोटा (भरतपुर) रहेका छन् ।
व्यावसायिक कार्ययोजनाको मूल्याङ्कनमा ५० प्रतिशत वा सोभन्दा बढी अङ्क प्राप्त गर्ने उम्मेदवारहरू छनोटमा परेका हुन् । आयोगमा एक अध्यक्षसहित ५ पदाधिकारी छनोट गर्नुपर्नेछ । अध्यक्षसहित ५ जना छनोट गर्नुपर्नेमा अहिले १५ जना उम्मेद्वार सर्टलिस्टमा परेका हुन् ।
